Make your house up!
TQtuien echa un passeínu polos puebrus estremeñus vei densiguía el esgalaçu dela arquitetura tradicional. Apeninas si está el destraci de callis i de callejas con ringurrangus a palral-mus comu un arvu esparramau que del troncón saca la horcaja, daí las ramas primarias i daí las segundarias. I velaquí que los puebrus l'án lavau la cara alas casas: ya no luzin alas ventanas las poyatas de piçarra, ni las toças de granu o maera, la forja, ni el ladrillu vistu- Ya las puertas pierdin las hormas i los postigus: no divas a encontral la deferencia entre una casa estremeña i una de Castilla o Valencia si no huera porque antinu d'entral mirasti el endicaol con el nombri del puebru.
El afán de modernismu eschangó lo tradicional i la precisión de fachenda i presumimientu s'assentó enas nuestras callis aborrandu la huélliga arquitetónica de patrás. Con esti comportamientu galleamus --no gañimus-- aquellu que dixu Siciniu al patriciau romanu de que sedrá bastanti con tenel de patria toa tierra, qualquiera que sea, ena que aiga libertá: el gañíu dela plebs contra el atillu delas costumbris envertíu en chillíus gallariquis! Si la libertá d'inseñu está en aparecel-si tolas casas pola corrienti modernista, qué mal comprendemus las cosas! Namás por mé d'ordenanças monicipalis, ayúas o reconocencia del patrimoniu púun assujetal siquiera un poquinu los conjuntus estóricus de muchus lugaris, enque no por essu s'escapan las puertas falsas de chapa, los azulejus o los revestimientus.
Lo mesmu que hazemus conas casas, hazemus cona lengua: sona más chic dizil ir de shopping que dil alos mandaus i mos pensamus que assina lavamus la cara ala lengua, quandu lo que hazemus es preá-la.
Más en Extremadura
-
Los cambios en el subsidio para mayores de 52 años afectarán a 15.500 extremeños
-
Entre pastores y sabores: celebra la tradición en Vive la Trashumancia y Feria del Queso Artesano en Valverde de Leganés
-
Libros, joyas y un cerezo: los regalos de Extremadura en la boda de Felipe y Letizia, hace 20 años
-
Detienen en Extremadura a un asesino en serie que actuó en Málaga